Uxía seleccionada para os Xogos Olímpicos da Xuventude en Baku

23 05 2014

Uxía campiona de España

A atleta do club Uxía Pérez Bugarín segue logrando novos éxitos. Esta vez foi seleccionada pola Federación Española de Atletismo para participar nas probas de clasificación para os Xogos Olímpicos da Xuventude que se celebrarán en Baku (Azerbaiyán). E a primeira atleta de Atletismo Tui – Thermalia que logra clasificarse para unha proba a nivel internacional. O gran ano que tivo, coa medalla de ouro nos 3000m en pista cuberta do campionato de España, a medalla de bronce no campionato de España Campo a Través e o record galego xuvenil, junior e mellor marca española da tempada, entre outros logros, non pasaron desapercibidos para a RFEA que decidiu seleccionar á nosa atleta para tan importante competición. Noraboa a Uxía polo seu novo logro e ao noso adestrador por saber guiarlle na consecución de tal éxito.

Advertisements




XV ABN AMRO MARATHON ROTERDAM

6 05 2014

20140413_134138 (5) (1)

O 13 De Abril celebrábase en Rotterdam (Holanda) a XV ABN AMRO MARATHON ROTERDAM. 13500 Atletas de 76 países dábanse cita nunha liña de saída ateigada de público, como o estaría durante os 42 kms 195 metros da proba. A mañá perfecta , nubes e claros, cunha temperatura de 15 grados, inda que despois o vento perxudicaría os corredores nalgúha parte do percorrido. Un trazado totalmente chá , co que se agardaba facer uns bos rexistros.
Como era de esperar os africanos dominaron a proba, sobre todo os kenianos que ocuparon as tres primeiras prazas. Victoria para Eliud Kipchoge cun tempo 02:05:00, seguido do seus compatriotas Bernard Koech e Bernard Kipyego que paraban o crono en 02:06:08 e 02:07:58,respectivamente. O primeiro europeo, sería o nacionalizado noruegués, Weldu Negash, 5º con 02:09:14, rematando 7º o primeiro holandés, de orixe marroquí, Khalid Choukoud que facía a mellor marca dos Paises Baixos nesta carreira 02:10:52.
Moitos españois participaron na carreira, cun destacado , Miguel Beltrán , de San Juan Del Puerto, 24º na xeral e 1ª na categoría de máster 35 (02:21:11). Destacar a presenza de dous atletas do Club Atletismo Tui – Thermalia, Justi Peixoto, 393, con 02:56:39, 1º galego na súa primeira participación nunha maratón, sendo 60º na súa categoría, e Rubén Castro, 607, con 03:03:53, 111º na súa categoría, logrando mellor marca persoal.
No apartado feminino a etíope Abebech Afework obtería una cómoda victoria 02:27:50, escoltada pola súa compatriota Guteni Shone 02:30:23; completaría o podio, moi cerca a Namibia, Beata Naigambo 02:31:00. A Española Maria Azucena Díaz, era nin máis nin menos que 5ª cun imprsionante rexistro de 02:32:22, conseguindo a mínima para o Campionato do Mundo.
Un bo exemplo da dureza dunha maratón e que dos 13.500 que tomaban a saída, chegaron a liña de meta só 10.679, sendo este posto, o derradeiro, ocupado polo holandés Joop Ketman, maoir de 65 anos cun tempo de 5 horas, 42 minutos e 32 segundos. Queda demostrado que o máis importante dunha maratón non é o tempo final, senón a satisfacción de poder rematar eses 42 kilómetro 195 metros.








%d bloggers like this: