O pasado domingo 12 de febreiro disputouse en A Coruña o Campionato Galego de Pista Cuberta ca presenza de Uxía Pérez como representante do Club Atletismo Tui-Thermalia que competía nas probas de 600 e 1.000 metros. Unha Uxía que o día anterior proclamárase campioa provincial de cross e que é a actual campioa Galega de Cross.

Pola mañá a primeira proba disputada foron os 600 metros onde se proclamaría subcampioa galega, nunha carreira moi disputada ata o último metro onde despois de de levar o peso da carreira foi superada na liña de meta por Ánxela do Comesaña.

Pola tarde a cita eran os 1.000 metros proba na que Uxía é especialista e partía como a máxima favorita para acadar a vitoria. A carreira foi dominada por Uxía dende o principio collendo a corda e distanciándose das súas perseguidoras chegando á liña de meta claramente destacada con máis de 20 metros de distancia da segunda clasificada e cun magnifico tempo de 3:07`.

Unha vez rematada a proba anunciábase a inxusta descualificación de Uxía por “pisar unha liña” a indignación dentro do equipo foi maiúscula pola forma de comunicalo e pola actitude dos xuices que non atenderon ás reclamacións de Club Atletismo Tui-Thermalia.

Por iso para Club Atletismo Tui-Thermalia foi a primeria clasificada nos 1.000 metros e que viu todo o estadio pero non campiona galega por unha inxusta decisión que se tomou nas oficinas. Destacar que non foi a única descualificada senón que os casos foron múltiples o que indica que algo fallou nesta organización do Campionato Galego. Como desagravio o presidente da federación galega de atletismo Isidoro Hornillos, entregoulle unha medalla de ouro como recoñecemento da federación da súa magnífica carreira e vencedora moral da proba.

Nun día soleado e frío e nun circuíto rápido e moi vistoso os nosos atletas acadaron uns espléndidos resultados sendo un dos equipos máis destacados en todas as categorías neste Campionato Provincial de Cross.

As probas empezaron con benxamín feminino onde o noso equipo quedou Campión Provincial cun equipo formado por Lucía 1ª clasificada, Elsa 5ª, Ana 8ª e Pilar 33ª

En alevín feminino con tres atletas na liña de saída a nosa mellor clasificada foi Cinthia 7ª que lle da acceso ao Campionato Galego seguida de Lorena 26ª e Inés 39ª.

O alevín masculino estaba representado por Martín que fixo unha gran carreira e venceu entrando en solitario na liña de meta.

Para rematar a nosa participación entraron en competición os cadetes acadando un novo triunfo no apartado feminino con Uxía que demostrou que non ten rival na categoría acadando a primeira posición. No apartado masculino Bryan acadou un 13º posto.

Un sábado de grandes resultado para os atletas do noso club con 3 primeiros postos e con 3 atletas clasificados para o Campionato Galego de Campo a través a celebrar o vindeiro 25 de febreiro en Portas, e sendo o Club Atletismo Tui-Thermalia a gran sorpresa do Campionato Provincial de Cross.

O Club Atletismo Tui-Thermalia, estará presente este sábado en Baiona, para disputar o Campionato Galego de Campo a Través Escolar e estará representado por un total de 11 atletas en diferentes categorías:

• Equipo de Benxamín Feminino que foi o vencedor no campionato zonal estará formado por Ana, Pilar, Lucía, Elsa e Paula sendo unha dos equipos que disputará os primeiros postos da proba.
• Alevín Feminino coa presenza de Inés, Lorena e Cinthia.
• Alevín Masculino onde Martín loitará polos postos máis altos da clasificación.
• Cadete Feminino ca gran favorita da proba Uxia e actual Campiona Galega de Cross.
• Cadete Masculino coa presenza de Bryan.

A todos eles boa sorte neste Campionato Provincial que a bo seguro farán unha gran actuación e deixarán ao Club Atletismo Tui-Thermalia nos postos máis altos da clasificación.

O pasado domingo disputouse en Ourense no Circuito de Monterrei o Campionato Galego de Cross Corto por Clubs, O Campionato Galego campo a través cadete e o xuvenil individual e por equipos, e alí estiveron atletas do Club Atletismo Tui-Thermalia.
Uxía Perez  Bugarín acadou o primeiro posto, proclamándose Campiona Galega de Cross na súa categoría cun extraordianrio tempo de 12`48″ para una distancia de 3.400 m, nunha proba que dominou de principio ao fin impoñendo un fortísimo ritmo que ningunha das súas rivais poideron seguir, chegando á meta con máis de 30 segundos de ventaxa sobre a segunda clasificada.
Uxía da así ao Club Atletismo Tui-Thermalia o seu primeiro título galego do ano a nivel individual.
Tamén estivo presente neste campionato galego pero en categoría masculina Ahmed Anadi que debutaba nesta proba acadando un magnifico 25º posto cun tempo de 21`37″.
Clasificación Cadete Feminina
Clasificación Cadete Masculina

Postal Navideña realizada por Pilar Vázquez Hermida atleta do Club Atletismo Tui-Thermalia

Sorte e bo Deporte 2012.

O Club Atletismo Tui-Thermalia estivo presente este domingo na Carreira do Pavo disputada en Vigo cun total de 15 atletas nas diversas categorías nunha proba que alcanza xa a sua 50ª edición.

Unha vez máis Uxía Pérez Bugarín voltou a situarse no máis alto do podium sendo a gran dominadora da súa categoría, mentres que Martín Vázquez Hermida en alevín acadou a segunda posición e Cinthia Costas González que mostra unha magnifica progresión aparece entre as 10 mellores alevíns.

En categoría absoluta hai que destacar unha vez máis a Luis Alberto Martínez Durán logrando unha 9º plaza cun tempo de 26:05 cun ritmo de 3 minutos 12 segundos e quedándose tan só a menos de 2 minutos do gañador Hassan Lekhili.

A tod@s eles noraboa polos seus magnificos resultados e por representar tan ben ao noso club.

Un total de 16 atletas foron os que representaron ao noso club nesta proba acadando bos resultados en todas as categorías posibles, aínda que para moitos dos alí presentes era a súa primeira carreira.

Na categoría infantil feminino estiveron representando ao noso club Aldara que acadou o 26º posto e Susi o 32º. No apartado cadete feminino Uxía voltou a ser a gran domiñadora da categoría e voltou a acadar unha nova victoria e en homes Ahmed acadou o 10º posto.

En alevín masculino Martín quedouse ás portas da victoria conseguindo un meritorio 2º posto seguido por Pablo 42º e Carlos 51º como representantes do club, e en féminas Inés fixo un 7º posto e Cinthia foi 13ª.

Na categoría benxamín Iago quedou no posto 21 e Lucía 1ª, acadou a segunda victoria do día para o club, seguida de Pilar 15ª.

E para finalizar a mañá en Castrelos, restaban os máis pequenos con Telmo en prebenxamín acadando un 7º posto e Sara que sufriu unha caída e tivo q abandonar e as pitufas Julia e Candela.

A tod@s noraboa por representar tan ben ao Club Atletismo Tui-Thermalia e a seguir disfrutando deste deporte.

O Club Atletismo Tui-Thermalia estivo presente o pasado 4 de decembro na XXXVIII edición do Trofeo Pedestrismo Concello de Cangas cunha ampla representación dende as categorías máis pequenas ata a categoría absoluta.

A categoría alevín estivo representada por 3 novos atletas do club o cales se iniciaron este ano no mundo do atletismo, as súas clasificación foron Pablo 20, Gabriel 28 e Adrián 31.

O apartado feminino tamén estivo presente con Uxía na categoría cadete a cal logrou a victoria, sumando así un novo triunfo aos xa conseguidos este ano, e demostrando o gran momento de forma no que se atopa.

E así chegamos a proba raiña ,a absoluta onde tomaron a saída 6 atletas conseguindo uns magníficos resultados xa que nos 10 kilómetros de que constaba a carreira 5 baixaron de 40 minutos Destacar a gran actuación de Alberto (que pasa por un magnífico estado de forma) 5º na xeral cun tempo de 32m 16s.(o kilómetro a 3m.15s),a continuación entraron Sito (48 na xeral) con 37M. 43S. seguido de Rubén (posición 74) con 38M.40S.,Nakel foi 90 e baixou de 40 minutos ao igual que Fausto (92).Emilio foi  132 cun tempo de 41M. 50S.

A todos eles noraboa polos resultados acadados.

Decembro o mes do Nadal e este ano, tamén o mes do atletismo popular, xa que o calendario popular galego ven cargado de probas para todos os gustos dende probas de curta distancia ata media maratón pasando por probas de 10.000m., 8.000m. ou incluso un trail.
Á xa disputada carreira pedestre de Cangas do pasado 4 de decembro, hai que engadir para este mes, a Popular ExpOurense de 6.000m o vindeiro venres 8 de decembro en Ourense, a popular e tradicional Subida ao Castro con 2.090m de auténtico esforzo o 11 de decembro en Vigo dende o Real Club Naútico que coincide en data ca primeira proba do circuito Galicia Máxixa Traid Adventure que da inicio en Moaña co Trail Río da Fraga con 17,5km en contacto permanente ca natureza.
Para o día 18 de decembro o calendario xa non da máis de si con catro probas ao longo de toda Galicia, a Carreira do Pavo en Vigo cun percorrido de 8.263m, a Carreira Pedestre do Nadal de San Cibrao da Viñas en Ourense con percorrido de 8.500m, a media maraton Volta a ría- Memorial Adolfo Ros en Ferrol e a Popular de Lugo ao longo da Muralla da cidade para facer un total de 10.000m. E xa para despedir o ano as numerosas San Silvestres que se disputarán ao longo das vilas de Galicia.

E durante este mes o Club Atletismo Tui-Thermalia estará presentes en todos os rincóns de Galicia con algún dos seus atletas e para todos eles moita sorte.

“O Borralliño” en Soutelo, Salceda de Caselas, é o lugar onde esta temporada se da inicio á competición escolar de campo a través, organizada pola Agrupación Deportiva Baixo Miño (AGRUDEBAM) e en colaboración co Concello de Salceda de Caselas e incluída no programa “Xogade” da Secretaría Xeral para o Deporte da Xunta de Galicia, e o Club Atletismo Tui-Thermalia estará presente en Soutelo cun total de 26 atletas.

As probas que comezarán ás 10.30 horas, irán dende a categoría benxamín ata cadete e as distancias dende 650 m. ata os 2.500m. que terán que percorrer na categoría cadete másculino, nun percorrido que está ubicado no campo de fútbol e pistas forestais dos arredores.

O programa completo é o seguinte:

• 8.30 Apertura das instalacións.
• 9.30 Apertura da Secretaría para a entrega de documentación.
• 10.15 Remate do prazo para modificación nos inscritos.
• 10.30 Proba de Benxamín Feminino – 650 metros.
• 10.45 Proba de Benxamín Masculino – 650 metros.
• 11.00 Proba de Alevín Feminino – 800 metros.
• 11.15 Proba de Alevín Masculino – 1.075 metros.
• 11.35 Proba de Infantil Feminino – 1.075 metros.
• 11.55 Proba de Infantil Masculino – 1.300 metros.
• 12.15 Proba de Cadete Feminino – 1.300 metros.
• 12.40 Proba de Cadete Masculino – 2.500 metros.
• 13.00 Remate das probas.
• 13.15 Entrega de premios.
  

Máis información aquí.